Thursday, February 11, 2010

பிரத்யேக மொழி

சொந்தங்கள் கூடி இருக்கும்

கூட்டத்தில்

எனக்கு மட்டும் புரிகிறது

மிக நுண்ணிய அசைவில்

உன் கண்கள் கேட்கும்

விடைபெறல்.

Wednesday, October 29, 2008

யாரவள்


பூக்களை பறித்து விட்டு

புன்னகைக்கிறவர்களை

ரசிப்பதில்லை அவள்

கை வீசினால்

காற்றுக்கும் வலிக்குமென்று

நடப்பவள்

என்னவள்

Tuesday, October 28, 2008

போர்வை


வாடைக்காற்று வீசும்

மார்கழி பின்னிரவில்

சுகமாய் தூங்குகிறேன்

உனக்குள் நான்

Monday, October 20, 2008

நானும் அவைகளும்


அதிகாலை மெல்லிருட்டில்

உன் வீட்டு

முல்லைப் பூக்களும்

நானும்

காத்திருக்கிறோம்


அவைகள் பறிக்கப்படவும்

நான் பறிக்கப்பட்டத்திற்காகவும்


Monday, October 6, 2008

பனிக்காலம்


பின்னிரவின் வாடைக்காற்று

மெல்ல பின் வாங்கும்

இடைவிடாது நாய்கள் குரைக்கும்

நடு வீதியை தாண்டி

விசுவாசமாய் தொடரும்

மங்கிய நிலா வெளிச்சத்தில்

உன் வீடு

அழகாய் இருக்க்கிறது